Analisti Armand Shkullaku u shpreh mbrëmjen e sotme në Zonë e Lirë se opozitës iu desh të ndërmerrte një veprim drastic duke dorëzuar mandatet, pasi shqiptarët nuk mund të besonin vetëm te fjala.
Shkullaku tha se Shqipëria në të gjitha raportet klasifikohet si një demokraci hibride, pra rregjim.
“Ajo arsye që nuk thotë opozita është sepse ajo nuk ka marrë një veprim luksi, me të cilin garanton pushtetin e që do iki PS e do vijë PD në pushtet. Deri në këtë pikë, PD e kishte humbur mundësinë që shqiptarët t’i besonin nëpërmjet fjalës, ndaj i duhej një akt dramatik…
Kjo retorikë që nuk kemi opozitë është e paaftë, e kemi dëgjuar në shumë vende dhe Shqipëria në të gjitha vlerësimet është një shtet i shpallur me demokraci hibride, të cilat janë zakonisht regjimet.
Popullit nuk i lihet shumë zgjedhje kur t’i kontrollon gjithë paranë, ke ministra të akuzuar për trafik ndërkombëtar droge që i mbron me vota. Pra ideja se Basha nuk e mund dot Ramën në zgjedhje, bie”, u shpreh Shkullaku.
