Sidoqë të jetë askush nuk e arrin frekuencën globale si një Klasike mes Realit të madridit dhe Barcelonës, pak rëndësi ka nëse është për La Liga, për Champions, apo për Kupën e mbretit si këtë të mërkurë në mbrëmje.
Reflektorët kanë nisur të ndizen në stadiumin Santiago Bernabéu, aty ku vendasit do të sfidojnë katalanasit për një vend në finalen e kupës. Do të jetë një El Clasico vendimtare pas barazimit 1-1 në sfidën e parë. Barcelona ka qenë mbretëresha e këtij turneu në 4 sezonet e fundit, 4 fitore radhazi që mund të bëhen 5 me gjasë, nëse do të kalojë galaktikët.
Oshilacionet kanë karakterizuar Realin e Madridit, por në një ndeshje të tillë pavarësisht formës, nuk ka parashikime. Blankos i kanë të gjithë të disponueshëm përvec Markos Jorentes ndërsa në sulm në krah të Benzema’ pritet të jetë talenti Vinisius.
Në kampin tjetër Barcelona ka rikuperuar Lionel Mesin, futbollistin që mungoi në gjysmëfinalen e parë dhe që do të përfaqësojë kërcënimin kryesor të kryeqytetasve, për të shkuar në finale.Ndeshja e sotme do nis në orën 21:00 ku sytë e veshët do jenë tek kjo Klasike ku luajnë dy ekipet Botërore.
Formacioni i Brcelonës
