Kryetarja e LSI, Monika Kryemadhi, tha se analizat për gazin e hedhur në protestë nga policia do të dërgohen jashtë vendit. E ftuar në emisionin Tempora, Kryemadhi theksoi se efektet e gazit do të jenë në orët e natës.
“Me sa duket ia kemi marrë dorën. Efektet do të jenë gjatë natës. Ndjej dhimbje të kraharorit. Do të marrim analiza dhe do t’i çojmë jashtë Shqipërisë për të evidentuar gazin helmues që është hedhur në protestë. Ish-deputetja Kejdi Mehmetaj ka pasur gjendje të vjellash pas marrjes së gazit”, tha ajo.
