Kreu i Lega Nord, njëkohësisht edhe ministri i Brendshëm i Italisë Matteo Salvini, e ka të qartë strategjinë se si duhet luftuar Xhorxh Soros.
Në një prej takimeve të tij, Salvini ka akuzuar Sorosin se ka hedhur 18 miliardë euro nëpër vende të ndryshme në Europë dhe në SHBA, kundër të djathtës dhe konservatorëve.
Por si mund të luftohet Sorosi?
Matteo Salvini është i qartë, ai ka marrë shembullin se si Gjergj Kastrioti-Skëndërbeu luftoi perandorinë Osmane për më shumë se 25 vite.
“Janë armiq shumë të organizuar. Dhe janë shumë të pasur. Por ne do t’ia dalim, sepse historia na mëson që kur popujt zgjohen dhe kuptojnë që janë në rrezik, ata reagojnë.
Kur isha në Romë fola për një nga heronjtë e popullit shqiptar, Gjergj Kastriotin, e shekullit të 15-të, i cili i rezistoi rrethimit, madje dhjetëra rrethimeve islamike. Islamike! Sepse historia përsëritet.
Në shekullin e 15-të, në të 18-tin, më 2017. Në atë kohë ata kuptuan që ishin në rrezik dhe u mbyllën në kështjella e më pas dilnin e sulmonin.
Rezistuan dhe mposhtën një ushtri që ishte shumë më e pasur, më e fortë dhe më e mirëorganizuar. Por aty ku është besimi, fuqia, bashkimi, e vërteta, këta (armiqtë) mund të kenë edhe miliarda, por nuk do të fitojnë. T’i mposhtësh armiqtë me gjithë miliardat e tyre.”
Ndiqni në video e plotë të fjalimit bashkë me përkthimin:
