Qeveria shqiptare u dërgon shkresa propagandistike në të cilat ajo sulmon opozitën, Partinë Demokratike dhe kryetarin e saj Lulzim Basha për të ashtuquajturën përpjekje për të rrëzuar me dhunë qeverinë.
Në një shkresë, memo informative, e publikuar nga Shijak tv, të dërguar sekretarit të përgjithshëm të OSBE-së dhe presidentit të asamblesë parlamentare të OSBE në Vjenë në datën 20 shkurt shkruhet se “pas mjaft ditësh thirrje për të rrëzuar qeverinë, në 16 shkurt në Tiranë u mblodhën 10 mijë protestues të Partisë Demokratike.
10 minuta pasi nisi protesta shkruhet në memon e qeverisë shqiptare, turma sulmoi hyrjen e kryeministrisë me qëllim pushtimin e saj.
Burime diplomatike bëjnë të ditur se memoja e qeverisë shqiptare për drejtuesit e lartë të OSBE-së është shpërndarë kudo në zyrat e larta të BE-së dhe të qeverisë të vendeve anëtare.
Memoja e qeverisë shqiptare veç faktit që thotë se protesta prej 10 mijë anëtarësh të Partisë Demokratike u thirr me qëllimin për të përmbysur me dhunë qeverinë dhe veç faktit që turma menjëherë nisi sulimin kryeministrisë paraqet edhe disa arsye krejtësisht partiake dhe propagandistike për këto akte.
Sipas memos, opozita e drejtuar nga Lulzim Basha është në krizë pasi ai ka humbur zgjedhjet e kaluara. Sipas memos edhe në vitin 2017 Partia Demokratike bëri të njëjtën gjë duke ngritur një çadër në bolevard.
Memoja bën një historik të protestës në çadër dhe të marrëveshjes ku Partisë Demokratike iu dhanë ministri kyçe për të garantuar ndershmërinë në zgjedhje. Sipas memos zgjedhjet ishin të ndershme, nuk pati manipulime dhe as blerje votash.
Tani kur PD është sërish pranë humbjes ajo po thërret për rrëzim me dhunë të qeverisë. Kjo është gjuha e gjithë memos që qeveria shqiptare i dërgon partnerëve të rëndësishëm ndërkombëtarë.
Gjuha e militantizmit partiak që përdor kryeministri në takime elektorale është edhe gjuha me të cilën ai informon partnerët nga zyrat e shtetit e shqiptar, nga zyrat e qeverisë dhe të ministrisë së jashtme.
Taksat e shqiptarëve përdoren në këtë mënyrë për të bërë propaganda për të mashtruar ndërkombëtarët dhe për të sulmuar opozitën.
Duket se kjo Memo që Rama i ka drejtuar OSBE bie ndesh me deklarimet publike të tij, sipas të cilave ai nuk flet në gjuhë të huaj kundër opozitës.
