Petrit Vasili, kryetar i Grupit Parlamentar të LSI-së, ka reaguar lidhur me vendimin e Këshillit të Lartë të Prokurorisë ndaj Arta Markut, Prokurore e Përgjithshme.
Sipas Vasilit, KLP u bë njësh me antiligjin, duke i vënë vulën kapjes së drejtësisë nga qeveria.
“Këta të KLP nuk qenkan atje për shkarkim aq me shumë të Arta Markut !?
Këta na qenkan vetëm për emërimet, që i urdhëron Edi Rama!?
Kjo është skandaloze, që KLP shprehet që s’ka kompetence për të ndëshkuar një prokuror, që shkel ligjin.
Një tjetër provë kjo e sotmja, që KLP kontrollohet nga Qeveria dhe i shërben shërbëtorëve të Qeverisë në prokurori, siç është edhe Arta Marku.
Arta Marku ja mbyll pa ja hapur çështjet Edi Ramës edhe kur i bën thirrje policisë të flakë uniformat dhe të bëjë vota për rilindjen, edhe kur mashtron që ka bërë ekspertizën e audiopërgjimit të Agron Xhafës, edhe kur kërcënon oficerin e policisë Emiljano Nuhu, dhe Edi Rama i kthen borxhin dhe e fal përmes KLP së kapur.
Askush nuk e beson më aspak këtë reformë në drejtësi.
Kjo reformë në drejtësi ka vdekur.
Ajo është thjesht një vegël qorre e qeverisë dhe interesit të saj dhe kundër interesit, lirisë dhe barazisë të çdo qytetari të thjeshtë.
Faji është shumë i rëndë, shpagimi i të cilit do të vonojë shumë pak…”, shkruan Vasili.
