Feronit Shabani i njohur si Fero është aktualisht një nga reperët më të komentuar që fillimisht bëri bujë me hitin “Gang gang” dhe më pas me sulmin që iu bë teksa dilte nga kinemaja.
Ditët e fundit kanë qenë disi të vështira për reperin e njohur kosovar pasi është dënuar me pesë muaj burgim me kusht dhe 1200 euro gjobë nga Gjykata Themelore në Prishtinë, dega Lipjan.
Shkak është bërë se i akuzuari, Feronit Shabani, i njohur me emrin artistik Fero, është akuzuar për posedim të paautorizuar të narkotikëve.
Vendimi është dhënë të enjten nga gjykatësi Avdirrahman Gashi, ku ndër të tjera thuhet se ai nuk do të futet në burg, nëse nuk do të bëjë të njëjtën vepër penale brenda një viti, raporton “Vetimi për Drejtësi”.
Po ashtu, Fero do të paguajë 1200 euro gjobë pas plotfuqishmërisë së aktgjykimit dhe një shumë tjetër prej 30 eurosh për fondin e kompensimit të viktimave.
Kujtojmë se më 20 shkurt Fero deklaroi se ishte përdorues i hershëm i marijuanës, por ka thënë se nuk i ka përdorur më këto substanca që pasi u kap nga policia.
