Në një deklaratë për mediat, kreu i grupit parlamentar të LSI, Petrit Vasili akuzoi kryeministrin e vendit se u bë pjesë e një puci anti-kushtetues ndaj qytetarëve.
Vaili tha se duhet të hetohet për informacionet e manipuluarm kur tha se në protestë do kishte dhunë.
“U ndërpre dhe linja telefonike për të lënë organizatorët pa mundësi komunikimi dhe që protesta të degradonte. Opozita kishte marrë masa për të mbajtur në kontroll të plotë mbarëvajtjen e protestës dhe hodhi poshtë këtë puc të turpshëm. Të hetohet për informacionet e manipuluara se do kishte dhunë”, deklaroi Vasili.
“Dje kryeministri, kreu i Kuvendit dhe SHISH u bënë pjesë të një puci të vërtetë anti- kushteues të qytetareve. Kryeministri deklaroi në Rai Uno se do ndodhin kate të turpshëm ndaj parlamentit dhe thoshte se opozita do dhunojë parlamentin sipas gjoja shërbimeve inteligjente”, tha ai.
