Një dënim prej 30 vite burg është kërkuar për 57-vjeçarin Xhevdet Mehmeti, i cili ekzekutoi bashkëshorten me thikë në Piaceza të Italisë, në 27 maj të vitit të kaluar.
Seanca u zhvillua dje, më 21 shkurt, dhe procesi gjyqësor po zhvillohet me gjykim të shkurtuar, raportojnë mediat italiane. Xhevdet Mehmeti akuzohet se vrau me thikë bashkëshorten, Elca Tereziu 52 vjeçe, gjatë sherrit të radhës në banesën ku jetonin në qytetin italian.
Krimi
Një mesazh që 57-vjeçari i dërgoi një të afërmi ndezi gjakrat. Elca Terziu telefonoi të vëllamë, duke iu ankuar për të shoqin. E gjithë kjo në prezencën e Xhevdetit. Ky i fundit, në atë moment, tentoi ti merrte nga duart gruas telefonin për të folur me familjarët e gruas. Më tej, lindi një sherr në kulmin e të cilit 57-vjeçari e qëlloi të shoqen me thikë. Pas krimit, lajmëroi karabinierët. /Boldnews.al/
