Ka zgjatur vetëm pak minuta arratisja e një shqiptari, i cili ishte ndaluar nga policia greke. Shqiptari dhe dy shtetas të tjerë arritën të largohen nga një makinë policie, ndërsa ajo u ndal në një semafor, në një lagje të Athinës.
Mediat greke raportojnë se 3 personat e ndaluar, mes të cilëve edhe një shqiptar, u larguan nga automjeti i policisë, në rrethana që po hetohen.
Policia është vënë në ndjekje të 3 të arratisurve, ndërsa vetëm njëri prej tyre arriti të shpëtojë dhe është shpallur në kërkim.
Shqiptari u kap pas disa minutash arrati, ndërsa nuk raportohen identitetet e të ndaluarve dhe arsyeja sepse ato ishin ndaluar fillimisht nga policia.
