Eli Fara dhe Aurela Gaçe i kanë dhënë shumë muzikës shqiptare dhe janë dy këngëtare shumë të dashura për publikun.
Dy artistet e njohura prej vitesh tashmë kanë treguar se përveç kolege janë dhe dy mikesha shumë të mira dhe të pandara nga njëra-tjetra.
Në edicionin e fundit të “Kënga Magjike”, Aurela dhe Eli, për të festuar miqësinë e tyre sollën për publikun një bashkëpunim që titullohej “Zemra Rratata” që u kthye menjëherë në hit.
Të ftuara mbrëmjen e djeshme në “BE Coffee”, dy këngëtaret janë pyetur nga aktorët Erion Isa dhe Bes Kallaku se çfarë kanë zili tek njëra-tjetra.
Duke qenë tipe shumë të ndryshme, Aurela rrëfeu se ka shumë zili Elin për qetësin e saj, ndërsa Eli ndër të tjera theksoi se ka zili nervin dhe temperamentin e Aurelës.
