Luan Rama, deputet i LSI-së, deklaroi mbrëmjen e sotme se vendimi për djegien e mandateve të deputetëve të opozitës, ka lidhje me arrogancën e Qeverisë dhe deformimet që kanë ndodhur qoftë me reformën në drejtësi, ashtu edhe me votën e qytetarëve.
Rama tha se djegia e mandateve është vendim radikal, por vjen për shkak të kriminalizimit të qeverisjes.
“Nuk ka ndodhur që prej 1997, që të provohet përmes dosjeve të Prokurorisë që votat janë blerë. Në çdo vend demokratik, qeveria do të jepte dorëheqjen, ndërsa në Shqipëri, kryeministri sulmon opozitën dhe median që e publikoi”, tha Luan Rama.
I pyetur nëse opozita do të hyjë në zgjedhjet lokale, deputeti i LSI-së theksoi se nuk mund të flitet për zgjedhje në kushtet ku jemi.
“Rama duhet të lexojë mesazhin e atyre qytetarëve që u mblodhën në Tiranë, jo për të na bërë qejfin ne, por për të treguar se janë kundër Kryeministrit”, theksoi ai.
