Një 40-vjeçar shqiptar, babai i 3-fëmijëve, ka humbur jetën mbrëmjen e djeshme në Riviera Berica (Itali), si pasojë e një aksidenti automobilistik, raportojnë mediat vendase.
Në aksident janë përfshirë dy automjete, një mjet tip golf dhe një Mercedez, fuoristradë.
Mediat raportojnë se viktima po udhëtonte me mjetin tip golf, ndërsa automjeti tjetër i përkiste një biznesmeni të zonës ku ndodhi aksidenti.
Shqiptari ka humbur jetën në vend, ndërsa drejtuesi i mjetit tjetër është në gjendje kome.
Raportohet se automjeti me të cilin lëvizte shqiptari është goditur fort nga “Mercedezi”.
