Kryeministri Edi Rama ka vijuar me sulmet ndaj akademikëve dhe studentëve edhe gjatë takimit të sotëm në Universitetin e Vlorës, në kuadër të “Paktit për Universitetit”.
“Një pjesë e pedagogëve janë të maskuar me tituj doktoratash false, janë sharlatanë”, tha Rama, ndërsa takimet në të cilat studentët shprehën pakënaqësi ndaj tij, i quajti me një “atmosferë gjysmë vulgare”.
Shefi i qeverisë nuk i kurseu as sulmet ndaj medias.
“Lëre ça thonë Mark Markat, s’kanë lidhe me atë që thonë. Kanë lidhje me përpjekjet që do bëhen më agresive në forma të ndryshme për t’iu shmangur verifikimet të titujve që janë një nga arsyet pse investimet e prindërve tuaj dhe juaji s’përkthehet deri në fund në atë që meritojnë. E dyta ndalimi i tregtisë së librave në kërkim të notës. Vlerësimi nga studentët i performacës së pedagogëve. Nuk shof televizor, s’kam kanale shqip, lajmet i marrë në formë të përmbledhur nga zyra dhe e kam mbyllur kapakun e kazanit në jetën time private. Por ama nga protesta kam marrë të zbardhura të gjitha që janë thënë nga studentët dhe çfarë është mundur të dëgjohet. Kam qenë i vëmendshëm dhe në atmosferën gjysmë vulgare të atyre takimeve…”, tha Rama.
“Kur iu dëgjojnë veshët që VKM-të janë anti-kushtetuese lidhen me faktin se si duan ato që lidhen me këto çështje”, shtoi.
“Një pjesë e konsiderueshme e pedagogëve janë të maskuar me tituj false, s’janë profesionistë, janë thjesht sharlatanë”, shtoi.
