Natën e 18 prillit të vitin 2018, shqiptari Genard Llanaj qëlloi për vdekje senegalezin Makha Niang, në rrugën “Coletti” në Itali.
Sipas mediave italiane: Në seancën paraprake, shqiptari ka dalë përpara trupit gjykues ku ka dhënë edhe dëshminë e tij lidhur me veprën e kryer. Avokatja mbrojtëse e Llanajt ka kërkuar të rishqyrtohet mundësia për një gjykim të shkurtuar duke qenë se ajo ka paraqitur pranë trupës gjykuese edhe një raport mjeko-ligjorë ku shpjegohet qartë gjendja e rëndë psikologjike e tij. Llanaj mori fjalën për të shpjeguar arsyet për gjestin e e kryer, pasi kishte vrarë një burrë duke qëndruar në stol pa i bërë asnjë dëm. Ai rrëfeu se kishte qenë nën ndikimin e kokainës dhe se pasi kishte kryer vrasjen kishte përjetuar edhe ndjenja të forta faji.
“Nuk e dija kush ishte. E qëllova sepse doja ta trembja! Mu duk sikur ishte shqiptarë, nga ata që kanë ardhur për të larë hesapet e vjetra që kam nga Shqipëria”, u shpreh Llanaj.
Drejtësia italiane ka pranuar rishikimin e çështjes ndërkohë që fati i Llanajt mbetet në dorën e raporti mjeko-ligjor. /Boldnews.al/
