Gjykata e Shkallës së Parë në Shkoder shpalli moskompetencë për gjykimin e rastit të efektivit të policisë Berhan Bajrakurtaj, i cili u la në burg me afat 30 ditë sipas kërkesës së organit të akuzës. Ndërkohë, pala mbrojtëses e quajti të paligjshëm ndalimin e policit dhe kërkoi lirimin e tij, duke pretenduar se akuza ndaj tij, nuk qëndron.
Seanca gjyqësore u zhvillua me dyer të mbyllura dhe kryesuese e saj ishte gjyqtarja Irida Kacerja, prokuror Vat Staka dhe avokat mbrojtës Xhelal Kraja.
Në sallën e gjyqit vetë Bajrakurtaj ka mohuar akuzën për ngacmim seksuale ndaj një të miture. “Nuk kam ngacmuar asnjë të mitur. Kam qenë në shtëpinë time kur është regjistruar video dhe nuk e di se si është bërë publike. Para pak kohësh e kam çuar celularin në servis dhe më pas i kam vendosur me kod. Unë nuk di ta përdor mirë celularin, shpesh e kam lënë në tavolina dhe dikush mund të ketë abuzuar. Nuk kam ngacmuar asnjë person dhe s’e kam idenë si është shpërndarë video, aq më pak se kush mund të jetë personi” ka përfunduar dëshminë e tij përpara gjykatës.
Çeshtja do të gjykohet nga trupa që merret me rastet e të miturve në gjykatën e Apelit tashmë. Deri më tani ndaj policit nuk ka asnjë denoncim të kryer qoftë në policinë e Malësisë së Madhe dhe qoftë në atë të Shkodres. Rasti në fjalë ka ngritur pas shumë pikëpyetje që pritet të zbardhen nga organi i akuzës në bazë të hetimeve që po kryhen.
Vendimi u prit me ankth edhe nga familjarët e policit, të cilët mohuan kategorikisht faktin që Bajrakurtaj të ketë ngacmuar ndonjë të mitur.
Berhan Bajrakurti, specialist i Policimit në Komunitet në Gruemirë të Malësisë së Madhe u arrestua i dyshuar për veprën penale ”Ngacmim seksual”.
https://www.youtube.com/watch?v=irGv6vYmx4k&feature=youtu.be
Momenti kur Behar Bajrakurti shoqërohet për në Gjykatë
Në kërkim të denoncuesit
SHÇBA bëri me dije se nga hetimet, rezulton se materiali video është regjistruar në banesën e tij.
“Nga verifikimet e kryera nga SHÇBA, nuk u evidentuan fakte dhe rrethana, të cilat provojnë se ka patur një ankesë drejtuar në Polici nga ndonjë shtetas per rastin ne fjale. Per kete rast po hetohet nga sektori per Krimet Kompjuterike per identifikimin e personit dergues te mesazhit dhe videos qe u dergua per publikim ne medie”, thuhej gjithashtu në njoftimin e SHÇBA.
Ndërkohë, vetë gazetarja e cila publikoi videon, u shpreh në një emision televiziv se materiali iu dërgua nga një adresë anonime Facebook-u, që u fshi nga rrjeti social fill pas dërgimit të materialit.
/Boldnews.al/
