“Icardi ishte në mesin e të grumbulluarve për ndeshjen ndaj Rapid Vienës, por është ai nuk u paraqit…”. Deklarata u bë nga trajneri i zikaltërve Luçiano Spalletti, i cili shtoi se për këtë atij iu hoq shiriti i kapitenit.
Vendimi për ta privuar nga fasha e kapitenit ishte i vështirë dhe i dhimbshëm, tha trajneri, por është marrë për të mirën e Interit.
“Lojtari u ndje keq, por edhe për ne ishte e vështirë për të marrë këtë vendim, por në deklaratat e mia pas ndeshjes me Parmës për gjërat që duhet rregulluar, është e qartë se ka pasur diçka për të folur. Mendoj se negociatat po shkojnë përpara, por duhet të pyesni shoqërinë”, tha Spalletti për gazetarë.
