Përditësuar/ S.Ballabani, rreth 35 vjeç, është viktima e aksidentit në Kavajë.
“Rreth orës 18:50, në qendër të qytetit të Kavajës, një mjet i paidentifikuar ka aksidentuar me pasojë vdekjen, shtetasin S. B., rreth 35 vjeç dhe më pas është larguar nga vendi i ngjarjes. Shërbimet e policisë po punojnë për identifikimin e mjetit dhe drejtuesit të tij”, njoftoi Policia.
***
Një aksident me vdekje është shënuar këtë mbrëmje në Kavajë.
Mësohet se një makinë ka përplasur një këmbësor pranë Prokurorisë duke i shkaktuar vdekjen. Drejtuesi i mjetit nuk ka ndaluar për ti dhënë ndihmën e parë personit të aksidentuar, por është larguar nga vendi i ngjarjes.
Forca policore kanë shkuar në vendngjarje dhe një hetim ka nisur për zbardhjen e ngjarjes, identifikuar e viktimës, si dhe automjetit dhe drejtuesit të saj.
