Kreu i Federatës Shqiptare të Futbollit, Armando Duka, është shprehur mjaft ashpër ndaj qeverisë, e cila sipas tij nuk ka dhënë asnjë ndihmë për sportin shqiptar.
Në një intervistë për Abc News, Duka ka deklaruar se ndaj klubeve dhe Federatës nuk është dhënë asnjë ndihmë deri më sot nga qeveria shqiptare.
“Klubeve dhe Federata kanë një investim Zero. Investime pothuajse përveç këtyre që thamë Zero. Qeveria të marrë një vendim dhe të thotë do të financojmë 200 fusha futbolli në Shqipëri. Kush i dëgjon mund t’i duken shumë, por janë pak. Tirana që vërtetë luajnë futboll të gjithë fëmijët që duan të luajnë futboll, ka nevojë për 100 fusha futbolli. Është e vështirë për hapësirat, por duhet t’i gjejmë dhe to, por buxheti qoftë i Bashkisë së Tiranës, qoftë dhe i qeverisë nuk është se varfërohet për kaq pak para për një sport që shqiptarët e dashurojnë shumë”, u shpreh Duka.
Propozim i harruar i vitit 2013…
“Kur Rama do vinte në qeveri u mendua, madje mbaj mend që Fidel Ylli bëri fushatë me këtë që do kishte Ministri Sporti, e cila do mendonte për sportin dhe realisht kur ka një ministri, kur ka një administratë, e cila bashkon dhe mbledh grupet e interesit dhe prodhon vërtetë strategjira dhe politika të pakteave fiskale që ndihmojnë sportin, gjërat nëse nuk realizohen 100% do realizohen 50”, vijoi më tej deklaratën e tij kreu i FSHF.
