Erjon Veliaj dhe Edi Rama, i pari kryebashkiak dhe tjetri kryeministër, kanë mashtruar banorët e Zall Bastarit, për ndërtimin e një ure. Gjatë fushatës elektorale si Rama dhe Veliaj premtuan se do të ndërtonin urën, por duket se gjithçka është harruar dhe sot qytetarët ndjejnë mungesën e një ure.
Ura ishte dëmtuar për shkak të vërshimeve të ujit, ndërsa tani është pothuajse e rrënuar.
Për këtë arsye, banorët e izoluar e të mashtruar, protestuan pranë gërmadhave të urës, ndërsa pjesëmarrës në protest ishin edhe deputeti i PD Gent Strazimiri dhe anëtari i kryesisë së PD, Jamarber Malltezi. Banoret akuzuan Ramen e Veliajn se i kanë mashtruar dhe apeluan për ndihmë, pasi kjo urë është e vetmja mundësi lidhjeje e zonës me Tiranen e qendrat e tjera urbane.
