Rreth dy javë nga rrëzimi i avionit tip Pipper, në bordin e të cilit ishte edhe sulmuesi argjentinas, Emiljano Sala, ekipet e kërkimit kanë gjetur një trup, por pa mundur të japing shpjegime nëse ai i përket futbollistit apo pilotit.
Trupi i pajetë është gjetur poshtë avionit dhe shkalla e dekompozimit e lartë, e ka bërë të pamundur identifikimin.
Shpresat që Sala apo piloti të jenë gjallë janë zero, për shkak se është e pamundur që ata të jenë hedhur më herët se avioni të përfundonte në ujë.
Klubi francez Nantes i ka kërkuar Cardiff Cityt t’i paguajë shumën prej 18 milionë euro për transferimin e Emiliano Salas.
Sulmuesi argjentinas ishte blerja më e shtrenjtë e klubit nga Premierliga por tashmë Cardiff e ka bllokuar pagesën për transferimin e Sala.
Mësohet se Nantes është duke e kërcënuar Cardiffin me veprime ligjore nëse nuk ia bën pagesën brenda 10 ditëve.
Burime brenda klubit të Cardiffit kanë bërë të ditur për BBC se klubi do ta respektojë kontratën, por duhet të qartësohen të gjitha faktet.
Cardiffi është i befasuar sesi Nantes e ka bërë një kërkesë të tillë, në një kohë kur janë duke u bërë përpjekje për ta nxjerrë një trup nga mbetjet e aeroplanit që humbi nga radari dhe u zhduk për një javë, para se të gjendej të hënë 63 metra në fund të Kanalit Anglez.
