Katër persona të armatosur dhe të maskuar sulmuan një bankë të nivelit të dytë, nga ku grabitën një bankomat.
Ngjarja ka ndodhur në orët e para të mëngjesit të sotëm në Megaras (Greqi), ndërsa policia ka nisur hetimet.
Personat e armatosur sulmuan derën e bankës me një makinë dhe më pas kanë përdorur një tjetër automjet për tu larguar bashkë me ATM.
Nuk dihet ende shuma e parave të grabitura, por policia po mundohet të zbulojë autorët referuar kamerave të sigurisë dhe gjurmëve të mundshme në automjetin që grabitësit e kanë lënë para bankës.
