Ministrja Belinda Balluku, më parë drejtuese e Albkontroll, do të thirret të hënën në Kuvend për një interpelancë lidhur me kompaninë Air Albania.
Kjo është bërë e ditur nga deputeti demokrat Endri Hasa, sipas të cilit avokatja e kompanisë fantazëm Air Albania do të japë llogari për mashtrimin, paligjshmërinë dhe vjedhjen e shqiptarëve.
“Sot pashë një njoftim zyrtar të një agjencie të huaj, se “Lasgushi” propagandistik i Edi Ramës i ishte rikthyer Turkish Airlines, sepse linja ajrore shqiptare, Air Albania është një linjë fantazëm.
Më vjen keq për zhgënjimin e atyre që i kanë besuar mashtrimit të Edi Ramës.
Më vjen keq edhe për faktin që Shqipëria komentohet në agjencitë më prestiogjioze ndërkombëtare si një shtet joserioz, por më vjen mirë që është provuar çdo fjalë e denoncuar nga opozita për këtë aferë të rëndë korruptive personale të Edi Ramës
Kur denoncova me fakte konkrete se Air Albania është fantazëm, se avionët që po përdoreshin për shoë ishin të Turkish Airlines, Drejtuesja e AlbKontroll refuzoi të dilte në debat me opozitën, duke zgjedhur monologun si mënyrën e vetme për të mos u përballur me të vërtetën dhe për të mbrojtur korrupsionin dhe paligjshmërinë me Air Albania.
Bota është portokall. Atë që nuk bëri nga pozicioni i Drejtoreshës së Albkontrollit, Belinda Balluku tani, do të jëtë e detyruar ta bëjë nga pozicioni i Ministres në komisionin Parlamentar të Veprimtarive Prodhuese”, tha Hasa.
