Një sasi prej 30 kg marijuanë janë kapur në Greqi, ndërsa në pranga ka rënë një shqiptar 45 vjeç dhe një greke 53 vjeçe.
Sipas mediave greke, operacioni u zhvillua në aksin Korinth-Athinë, ku mjeti ku udhëtonte çifti iu nënshtrua kontrollit pas dyshimeve të policisë.
Brenda në mjet u gjetën dhe sekuestruan 22 pako me 28 kg 205 gram marijuanë. U sekuestruan gjithashtu edhe 4350 euro dhe 3 telefona celularë.
Prej fillimit të vitit, policia greke ka sekuestruar rreth 400 kg marijuanë që vinte nga Shqipëria.
