Zubaidullo Zubaizoda, ambasador i Taxhikistanit në Irak dhe Kuvajt, ka konfirmuar për Radion Evropa e Lirë, lajmin se pesë gra nga Taxhikistani u dënuan me burgim të përjetshëm në Irak pasi u gjetën fajtore për pjesëmarrjen në grupin ekstremist ISIS
Ai tha se një zyrtar i ambasadës taxhike në Bagdad ka qenë i pranishëm në seancën e 31 janarit, kur u dënuan: Sadorat Qurbonova, Maftuna Majidova, Gulrukhsor Alieva, Gulbahor Saifulloeva dhe vajza e saj, Mahfuza Qurbonova.
Sipas të dhënave nga Taxhikistani, 43 gra të këtij shteti janë dënuar me burgim në Irak në vitet e fundit, për shkak të pjesëmarrjes në grupin Shteti Islamik.
Po sipas të dhënave zyrtare, rreth 1,900 qytetarë taxhikë kanë luftuar përkrah militantëve të Shtetit Islamik në Siri dhe Irak në vitet e fundit.
