Grupi parlamentar i PD-së ka vendosur bojkotin me 10 ditë të Kuvendit, përfshirë komisionet parlamentare pas vendimit të Byrosë për përjashtimin e ish-kryeministrit Sali Berisha me arsyetimin se fyeu kryeministrin Edi Rama duke e quajtur “Kriminel”.
Në një deklaratë për mediat, kreu i grupit parlamentar të PD-së, Edi Paloka ka njoftuar vendimin e mbledhjes.
Sipas tij, grupi vendosi bojkot për të njëjtin afat i të gjitha aktiviteteve të parlamentit, komisione dhe seanca plenare.
“Në një kuvend ku nderohet krimineli dhe dënohen ata që denoncojnë krimin është akti më i lehtë, kjo shumicë shpreson t’i mbyllë gojën opozitën, e ka gabim. S’mund të na e mbyllë gojën kurrë”, tha ai.
