Violeta Gjika, 65-vjeç humbi jetën nga flakët që morri autobusi në të cilën udhëtonte bashkë me 30 besimtarë të tjerë në Krujë.
Nga kjo ngjarje tragjike të plagosura janë dhe 12 besimtare të tjera, 11 prej tyre ndodhen në spitalin e QSUT në Tiranë. 65- vjeçarja është e vetmja që humbi jetën. Ajo ishte besimtare e kishës së “Shën Theodhorit” në Vlorë.
Të gjithë besimtarët ishin nisur këtë mëngjes nga qyteti bregdetar dhe Kruja ishte vetëm një ndalesë pasi udhëtimi i tij ishte për pelegrinazh.
Destinacioni i radhës ishte Shkodra dhe mësohet se më tej do të shkonin në Ulqin. Kisha kishte marrë një autobus të linjës Vlorë-Tiranë për të kryer udhëtimin, i cili u ndërpre tragjikisht në qytetin historik të Krujës, me një grua të vdekur, 12 besimtare të tjera të plagosura, mes tyre më e vogla, një studente 24-vjeçare.
