Facebook dhe Microsoft tashmë do të punojë më shpejt në transferimin e të dhënave midis SHBA-së dhe Evropës.
Sipas njoftimit të ri të tyre kompanitë po përpiqen të ndërtojnë një kabllo të ri nënujor i cili do të shtrihet në më shumë se 4,000 milje përmes Oqeanit Atlantik.
Kjo lëvizje ka si qëllim të bëjë shërbimin e Facebook dhe Microsoft të punojë më shpejtë dhe seriozisht për përdoruesit përtej detit. Kompanitë e telekomunikacionit janë zakonisht ato që ndërtojë infrastruktura të tilla masive nën-ujë, por duke qenë se nevoja e gjigandëve të teknologjisë për të dhëna rritet, ata duan të kenë më shumë kontroll mbi rrjetin tek i cili ata mbështeten.
Për shembull, Google u bashkua me kompanitë telecom të Azisë dhe financuan një kabllo rrjeti nënujor prej 300 milionë dollarësh i cili lidh SHBA-në me Japoninë, në vitin 2014. Facebook ka një mori iniciativash të tjera të ri-projektimit të infrastrukturave të telekomunikacionit, duke përfshirë teknologjinë për të bërë kullat e radiove më efecientë dhe një sistem pa kabllo për zonat e dendura urbane.
Dyshja e ka quajtur projektin e tyre MAREA, dhe ndërtimi do të fillojë në Gusht dhe do të përfundojë në Tetor 2017. Edhe pse dy gjigandët e teknologjisë po bashkëpunojnë në këtë kabllo, ai do të operohet dhe menaxhohet nga kompania e infrastrukturës së telekomunikacionit Telxius.
