Ish kryeministri Sali Berisha ka deklaruar para gazetarëve përsa i përket ndryshimit të datës së lindjes së tij.
I pyetur nga ta, Berisha tha se nuk e mban mend shumë mirë, por ka qenë një gabim teknik. Kjo sipas tij nuk përbën krim, ndërsa përsa i përket ndryshimit të emrit të Edi Ramës, ai e ka cilësuar si një krim.
Pyetja e gazetarit:
Pse e ke ndryshuar datën e Lindjes. Dhe a të penalizon ligji i dekriminalizimit, ishte pyetja që iu drejtua nga gazetarët.
Berisha përgjigjet:
Data e lindjes? Atë që i bëra diktatorit nuk e falin dot kurrë. Po flisja për ndryshime që përbëjnë krim. Ndërsa ditëlindja është tekninalitet pa asnjë vlerë.
Edvini e ka ndryshuar se ka një akuzë, një dosje krimi. Ai duhet të vijë në parlament të japë sqarime se pse e ka ndryshuar emrin. Ndërsa ndryshimi i datës së lindjes nuk është krim, është thjeshtg një gjë teknike që as nuk e mbaj mend kur ka ndodhur, por po të kërkosh gjendet. Ka qenë një gabim teknik…
