Një djalë 9-vjeçar rezulton i zhdukur që prej pasdites së djeshme në qytetin e Durrësit. Familjarët e minorenit bëjnë me dije se Brajan Plaku, rezulton i zhdukur që prej orës 18:00 të së mërkurës, orë kur është parë në një Play Station.
Qendra e internetit ndodhet në lagjen nr 11, pranë banesës së familjes Plaku. Prindërit e tij kanë bërë denoncim në polici ndërsa pohojnë se banorët iu kanë thënë se Brajan ka dalë më një djalë të panjohur nga qendra e internetit.
Prindërit vënë në dispozicion numrin e telefonit 069 32 91 195. Zhdukja e minorenit është denoncuar edhe në policinë e Durrësit, e cila ka nisur kërkimet për gjetjen e tij.
