Pas vizitës së papritur në Irak, ku Trump dhe Melania kanë takuar trupat amerikane në bazën ushtarake të al Asad, çifti presidencial është kthyer në Washington. Mbërritja në Joint Base Andrew nuk ka kaluar pa rënë në sy për shkak të look-ut të zgjedhur nga Melania.
Me një pallto jeshile dhe streçe lëkurë ngjyrë mishi, në pamje të parë zonja e parë amerikane të jepte idenë se kishte veshur minifund. Kanë mjaftuar disa hapa nga shkallët e avionit, për të dalluar që nuk ishte minifund por streçe. Në rrjetet sociale disa përdorues kanë mbetur të befasuar nga veshja e zgjedhur nga Melania. Kritika zonja Trump ka marrë edhe për syzet që kishte vënë edhe pse ishte errësirë.
Nuk është hera e parë që bashkëshortja e presidentit amerikan kritikohet për veshjen. Tre muaj më parë gjatë një vizite në Egjipt, ajo kishte vënë një kasketë që simbolizonte kolonializmin europian, duke ngjallur jo pak diskutime.
Kritikave Melania i ishte përgjigjur: “Do të doja që njerëzit të përqendroheshin në atë që unë bëj, jo në atë që unë vesh”, kishte thënë.
