Banorët e Astirit, emigrantët, artistët dhe studentët janë bërë bashkë në një protestë para kryeministrisë. Protesta e sotme, ka bashkuar disa kauza, për të cilat ata kërkojnë zgjidhje nga kryeministri.
Banorët e “Astirit”, pasi bllokuan rrugën për disa minuta iu bashkuan protestuesve të tjerë. Duke komentuar ndryshimet në qeveri, banorët thanë se kjo nuk ndryshon asgjë. Nga ana tjetër, protesta dominohet edhe nga emigrantët shqiptarë të kthyer nga vendet e BE. Organizimi i tyre është bërë në rrjetet sociale pas thirrjes së aktivistit Genc Sejko, i cili jeton në Britaninë e Madhe.
Ai ka deklaruar se Shqipëria ndodhet në momentin e saj më të vështirë dhe shqiptarët janë nëpërkëmbur për vite me radhë nga një qeveri që nuk mendon për ta, por sesi të pasurojë ministrat dhe oligarkët që realisht kontrollojnë kabinetin dhe Edi Ramën.
