Ministria e Financave reagoi pas denoncimit të bërë nga Partia Demokratike se shtetasi Edmond Bego është personi që ka paguar rreth 1.5 milionë euro të ndarë në 4 këste, nga muaji nëntor 2015 deri në mars 2016, për privatizimin e truallit në zonën e Astirit.
Ministria e Financave e mohoi akuzën duke thënë se nuk ka firmosur asnjë dokument me shtetasin në fjalë dhe se në asnjë rast nuk ka asnjë dokument që nxjerr fitues këtë person.
Për këtë qëndrim të Ministrisë së Financave reagoi sërish Partia Demokratike e cila tha se është e provuar se “Inerte Ekspres” i përket plotësisht mikut të Taulant Ballës dhe se, nëpërmjet saj, janë bërë 4 pagesa për llogari të Ministrisë së Financave përpara se ajo të lidhte kontratën e privatizimit.
Reagimi i PD-së
Arben Ahmetaj bëri budallain për të mbuluar me burokraci të të vërtetën se ishte trafikanti Edmond Bego ai që i pagoi Ministrisë së Financave 1.5 milionë euro për privatizimin e ish serave.
Është e provuar se “Inerte Ekspres” i përket plotësisht mikut të Taulant Ballës dhe se, nëpërmjet saj, janë bërë 4 pagesa për llogari të Ministrisë së Financave përpara se ajo të lidhte kontratën e privatizimit.
Arben Ahmetaj mund të nxjerrë arkivin e Ministrisë së Financave, që nga krijimi i saj, por nuk mund të fshehë dot faktin se ai e privatizoi pronën vetëm pasi trafikanti i drogës mori përsipër të mbyllë procedurën e privatizimit.
A ka pjesë Arben Ahmetaj në projektin rezidencial 60 milionë euro që zhvendosi Lanën me firmën e Ramës dhe Veliajt?
Përgjigja për këtë pyetje është vetëm çështje kohe.
