Mbledhja e Kryesisë së Partisë Socialiste dhe mbajtja e punimeve të Asamblesë Kombëtarë kanë rritur zërat se kryeministri Rama do të bëjë disa ndryshime në qeveri.
Për emra konkret nuk është folur ende, por gazeta Koha Jonë, raporton se Rama ka vendosur të shkarkojë 80% të ministrave, i pakënaqur me punën e tyre dhe për më tepër, në qëndër të akuzave dhe skandaleve.
“flitet se thuajse 80 përqind e ministrave pritet që në fillim të kësaj jave të mos jenë më në detyrat që kanë sot. Kreu i qeverisë ka vendosur të ndërhyjë me dorë të fortë në gjithë dikasteret që këto muaj kanë qenë në qendër të ciklonit të skandaleve dhe akuzave.
Furtuna e parë pritet të përfshijë Financat, Arsimin dhe Infrastrukturën. Pavarësisht se në shumë raste Edi Rama ka deklaruar se ministrat e tij kanë arritur objektivat, por protestat e studentëve, skandalet me buxhetin dhe skandalet me tenderat e kanë bërë të domosdoshme rishikimin e pozicionit të një pjese të ministrave”, raporton gazeta.
Në konkluzionin e gazetës, thuhet se Rama po zgjedh të “shesë” ca ministra për të shkarkuar fajin dhe akuzat që këto ditë rëndojnë mbi të. Pra për të shpëtuar karrigen e tij kryeministrore.
Kabineti aktual:
- Edi Rama- Kryeministër
- Senida Mesi -Zv/kryeministre
- Sandër Lleshi-Ministër i Brendshëm
- Ditmir Bushati – Minister i Jashtëm
- Olta Xhaçka – Ministre e Mbrojtjes
- Etilda Gjoni – Ministre e Drejtësisë
- Arben Ahmetaj – Ministër i Financave
- Damian Gjiknuri – Ministër i Energjisë dhe Infrastukturës
- Lindita Nikolla -Ministre e Arsimit
- Ogerta Manastirliu – Ministria e Shëndetësisë
- Niko Peleshi – Ministër i Bujqësisë dhe Zhvillimit Rural
- Blendi Klosi – Ministër i Mjedisit dhe Turizmit
- Mirela Kumbaro – Ministre e Kulturës
- Pandeli Majko – Ministër Shteti për Diasporën
- Sonila Qato – Ministre e Shetit për Sipërmarrjen
