Një aeroplan i kompanisë EgyptAir, që fluturonte nga Parisi për në Kajro, është zhdukur nga radarët.
Kjo kompani tha se në aeroplan ishin 56 udhëtarë dhe 10 anëtarë të ekuipazhit, ndërsa aeroplani u zhduk nga radarët pak kohë pasi ka hyrë në hapësirën ajrore të Egjiptit, sot herët në mëngjes.
Pozita e fundit e njohur e aeroplanit të tipit Airbus A320 ishte mbi Detin Mesdhe. Tashmë autoritetet kanë filluar një operacion të gjërë të kërkimit për këtë aeroplan, shkruan rel.
Në mars të këtij viti një aeroplan i po kësaj kompanie në fluturimin prej Aleksandrisë për në Kajro është rrëmbyer dhe është detyruar të fluturoj në Qipro, ku rrëmbyesi ka kërkuar të takohej me ish-bashkëshorten e tij. Ai ishte dorëzuar pas gjashtë orësh.
