Paralelisht me protestën e studentëve, në Tiranë ka nisur edhe protesta te Unaza e Re. Banorët janë vendosur në të dyja asket e rrugës pranë mbikalimit në këtë zonë, duke bllokuar qarkullimin e mjeteve.
“Duan të na përçajnë me oferta”, u tha nga megafoni i protestës.
Pyetjes së gazetarëve nga terreni, kush po tenton t’iu përçajë, protestuesi i cili hodhi akuzat u përgjigj: “Po kush tjetër përvecc zagarëve të Afrim Qendros dhe Erjon Velisë, me arrestime presione, pseudo-oferta”.
Në protestë, u kërkua edhe lirimi i Daniel Dobrajt dhe Dorjan Protoduarit, të cilët janë ende në qeli, që pas protestës të dhunshme, të zhvilluar para Kuvendit, më 22 nëntor.
