Një lajm i keq vjen nga moderatorja shumë e dashur për publikun e që njihet për tipin e saj moskokëçarës, pa komplekse, Ellen DeGeneres. Në një intervistë për “The New York times”, Ellen ka rrëfyer se kontrata e emisionit të saj “The Ellen DeGeneres show” përfundon në vitin 2020 dhe moderatorja është në dyshime nëse duhet ta rinovojë apo t’i japë fund.
DeGeneres tha se bashkëshortja e saj Portia de Rossi mendon që ajo ta lërë emisionin, ndërsa vëllai i saj beson se audienca televizive ka nevojë për dozën e saj të përditshme të pozitivitetit.
“Ajo çmendet kur vëllai im më thotë se unë nuk mund të ndaloj”, tha DeGeneres për bashkëshorten e saj me të cilën ajo u martua në vitin 2008.
“Unë thjesht mendoj se ajo është një aktore dhe humoriste e shkëlqyer. Ka gjëra të tjera që ajo mund të bëjë. Unë nuk e shoh fundin e emisionit si fundin e karrierës së saj”, ka thënë de Rossi, bashkëshortja e moderatores.
