Prej rreth dy orësh qindra studentë mbajnë të bllokuar rrethrrotullimin te “Zogu i Zi”. Ata nuk lejojnë kalimin e automjeteve, ndërsa presin që Edi Rama, pas shkeljes së ultimatumit të tyre në orën 16:00, të dalë dhe të pranojë 8 pikat e kërkesës.
Studentët mbajnë në duar edhe pankarta ironizuese për ministren e Arsimit Lindita Nikolla si këto që shihni më poshtë.
Përshkallëzimi i protestës erdhi pikërisht si rrjedhojë e injorimit që Rama i bëri ultimatumit të vendosur që një ditë më parë. Pjesa tjetër e studentëve protestojnë përpara Ministrisë së Arsimit dhe Kryeministrisë.
