Një protestë e paralajmëruar për paga dhe kushte më të mira pune për mjekët i ka kushtuar vendin e punës infermierit të QSUT, Elson Jaçaj. Ai është kreu i Shoqatës së Infermierëve të Shqipërisë. Ai pati paralajmëruar se në 20 dhjetor të këtij viti, bluzat e bardha do të protestojnë për të drejtat e tyre e kushte më të mira në vendin e punës.
Nga Drejtoria e QSUT-së rreth orës 16:00 e kanë marrë në telefon dhe i kanë thënë se është i pushuar nga puna.
Ai thekson se do të kërkojnë rritje page, shpërblim çdo fundvit dhe kushte më të mira pune. Jaçaj thekson më tej se do të kërkohet verifikim i diplomave dhe licencave të punonjësve të shëndetësisë, pasi janë evidentuar raste pa licenca e madje edhe pa diplomën përkatëse, 20 prej tyre vetëm në QSUT.
Kreu i shoqatës shton se Urdhri i Infermierëve, jo vetëm nuk pranon të bashkëpunojë, por penalizon infermierët.
