Si pasojë e një zjarri në një pallat në zonën e Reggio Emilia të Italisë 2 persona kanë humbur jetën ndërsa 40 të tjerë janë asfiksuar.
Viktimat janë një burrë dhe një grua. Zjarri ka nisur nga një bodrum i një pallati 4-katësh. Sipas raportimeve të mediave vendase 40 persona janë asfiksuar nga zjarri, përfshirë një grua dhe 3 fëmijë.
Ekipet e zjarrfikësve nga Reggio Emilia, Sant’Ilario dhe Guastalla, me dy kamionë me shkallë morën pjesë në operacionet e shpëtimit. Policia dhe karabinierët janë gjithashtu në vendngjarje, por ende nuk dihen shkaqet e nisjes së zjarrit.
