Edhe pse nuk ishte në rend të ditës skandali i përgjimeve ka qenë i parashikuar që të flitej në Komisionin parlamentar për Sigurinë Kombëtare ditën e sotme.
Deputeti i Partisë Demokratike, Flamur Noka i cili drejton komisionin në mungesë të Spartak Brahos, tha se nesër do të thirren për të dhënë shpjegim për këtë çështje ministri i Brendshëm, Saimir Tahiri dhe Prokurori i Përgjithshëm, Adriatik Llalla dhe Drejtorin e Policisë së Shtetit, Haki Çako.
“Jemi të shqetësuar, kërkojmë seancë dëgjimor”, tha Noka duke theksuar se fillimisht nga ana e Ministrisë së Brendshme është mohuar ekzistenca e një pajisjeje të tillë.
Një kërkesë e tillë është cilësuar si çështje jashtë rendit të ditës nga deputeti i LSI¬së, Luan Rama. Por, kërkesën e tij Noka e bazoi në nenin 7 të Kushtetutës. Në fund të diskutimeve, anëtarët e Komisionit të Sigurisë pritet të hedhin në votim kërkesën për thirrjen e ministrit të Brendshëm, Prokurorit të Përgjithshëm dhe Drejtori i Policisë së Shtetit.
