Për një kontroll më të rreptë në pikat kufitare, Ministria e Brendshme e Shqipërisë ka depozituar në Kuvend një draft që parashikon shtimin e kamerave në kufi.
Ky draft është propozuar për të rritur kontrollin ndaj personave të dyshuar që hyjnë apo dalin nga vendi.
Bëhet fjalë për një draft që parashikon pajisje shtesë monitorimi në pikat e kalimit kufitar, sidomos për të parandaluar raste të mundshme terroriste.
Këto pajisje shtesë do të jenë kamera që do të monitorojnë personat e dyshuar, kryesisht ata me prirje radikale apo ekstremistët.
Këta persona do të jenë nën fokusin e kamerave dhe do të filmohen e fotografohen deri në momentin e kryerjes së identifikimit të saktë, shkruan gazeta ‘Mapo’.
Në pr/ligj parashikohet edhe që personat që shoqërohen për verifikim në pikat kufitare, do të informohen për procedurën dhe arsyen e kontrollit.
