Kreu i Partisë Demokratike, Lulzim Basha, ka qenë sot në Berat ku ka zhvilluar një takim me banorët e kësaj zone.
Gjatë këtij takimi, Basha ka hedhur akuza kundër qeverisë, duke thënë se opozita nuk kthehet në Kuvend, pa u bërë Vettingu i politikanëve.
“Gjendja ku ndodhet vendi është një thirrje për PD, për të shpalosur platformën tonë. E para dhe më e rëndësishme, kjo nuk ka asnjë lloj kompromisi. Nuk bëhet asnjë kompromis pastrim i i politikanëve nga kuvendi që janë të lidhur me krimin. Kthimi në Kuvend me politikanët e lidhur me krimin, nuk ka dhe nuk do të ketë. Zgjidhja është para jush. Pika e dytë e opozitës është se nuk do të ketë më trajtim preferencial për politikanët. Nëse duam zgjidhje institucionale, është miratimi i Vettingut dhe shporrja e politikanëve mafioz nga Kuvendi dhe bashkitë. Ata që bëjnë pakt për vota me kriminel, do përfundojnë në burg Dekriminalizmi i zgjedhjeve nis me ndëshkimin e krimit elektoral, Edi Rama futi duart në zgjedhjet dhe këtë e dinë të gjithë si ne dhe miqtë ndërkombëtar”, deklaroi Basha.
Më tej, Basha shpjegoi edhe pikën e tretë të platformës, që ka të bëjë me luftën kundër koncesione që sipas tij janë korruptive.
Basha me tone të larta ka folur për prishje kontratash, duke u drejtuar atyre që i quan oligrak me fjalët: “Nuk ka kontratë të blinduar me Ramës, nuk ka shans që ju të falimentoni qeverinë. Ta keni të qartë nuk do të falimentojnë qeveria, por do të falimentoni ju dhe do i ktheni lekët një më një qytetarëve”.
