Këngëtarja Enca Haxhia ka mbyllur një sezon shumë aktiv me koncerte dhe disa këngë të reja të publikuara.
Por e ftuar në emisionin “NIN” të një televizioni në Kosovë, Enca ka folur dhe për herë të parë për sherrin e bujshëm më Noizyn.
Ndër të tjera këngëtarja u pyet nga moderatori nëse kënga ‘Kujt po i han’ është një diss ndaj Noizyt.
‘Kujt po i han nuk ishte diçka direkte për askënd. Por në momentin që dikush e merr kaq personalisht dhe është personi i parë që poston diçka menjëherë sapo del kënga, mua sinqerisht mu bë qejfi. Më vjen mirë që vazhdon të më përcjellë dhe jam e sigurt që vazhdon të më përcjellë me të njëjtin admirim. Duke qenë baba, duke qenë partner i dikujt, duke qenë një personazh kaq i madh për këtë popull, në momentin që ti nuk respekton një femër, ti nuk bën vetëm një veprim tëndin personal, por ti i tregon të gjithëve se është ok ta bësh këtë dhe nuk është fare ok’ tregon Enca.