Luka Modric me shumë mundësi do të jetë fituesi i “Topit të Artë”.
Të premten ka përfunduar procesi i votimit për “Topin e Artë” dhe mediet franceze raportojnë se pas numërimit të gjysmës së votave, po udhëheq mesfushori kroat.
Modric mbylli një sezon të jashtëzakonshëm me Real Madridin dhe me Kombëtaren e Kroacisë në Kupën e Botës.
Sipas raportimeve të ‘Radio France International’, Messi dhe Ronaldo nuk gjenden as në treshen finale këtë vit, me Modricin që kryeson listën, dhe pas tij renditen Kylian Mbappe dhe Raphael Varane.
Emri i fituesit të Topit të Artë për vitin 2018 zyrtarisht do të shpallet më 3 dhjetor.
