Ambasadorët e SHBA-së dhe BE-së, Donald Lu dhe Romana Vlahutin, marrin pjesë sot në mbledhjen e grupit parlamentar të Partisë Demokratike.
Mbledhja ka nisur rreth orës 10:00, ndërsa mungon ish-kryeministri Sali Berisha. Në mbledhje, ku ambasadorët do të japin sugjerimet e tyre për reformën në drejtësi marrin pjesë edhe ekspertë të Euralius dhe OPDAT.
Ambasadorët janë pritur në hyrje të selisë së PD-së nga kryetari i grupit Edi Paloka dhe deputetja Jorida Tabaku.
Mbledhja do të jetë e mbyllur për mediat, ndërsa në fund të saj pritet një prononcim nga dy ambasadorët dhe nga zyrtarët e PD-së.
Një ditë më parë dy diplomatët zhvilluan takime me grupet e PS-së dhe LSI-së, me fokus reformën në drejtësi.
