Mediat kanë publikuar momentin e vrasjes së biznesmenit 46 vjeçar, Yannis Makris në Voula, i cili u ekzekutua në momentin kur po hipte në makinë.
Ngjarja ndodhi të mërkurën e kaluar kur 46 vjeçari doli nga shtëpia dhe po përpiqej të hipte në makinën e tij.
Sapo është ulur në vendin e shoferit, vrasësi iu afrua në anën e dritares së pasagjerit dhe e qëlloi atë për vdekje.
Vrasësi kishte mbuluar fytyrën me një kapuç të zi ndërsa kishte veshur një xhaketë sportive.
Autori i krimit ka përdorur një pistoletë me silenciator në mënyrë që vrasja e 46 vjeçarit të mos kuptohej menjëherë nga banorët përreth.
Skena e vrasjes zgjati vetëm 5 sekonda, shkruan “Kathimerini”, sipas të cilës Makris, reagoi duke zbritur nga makina në përpjekje për t’iu larguar vrasësit, i cili e qëllon sërish.
Biznesmeni nuk bëri më shumë se 3-4 hapa përpara se të përfundonte në trotuar dhe të humbiste jetën.
Gazeta shkruan se për arsye etike, nuk publikon imazhet e momentit kur biznesmeni i gjakosur del nga makina.
