Sherret mes adoleshenteve në shkolla dhe jashtë saj janë të njohura tashmë për publikun shqiptar. Por përveç perceptimit të parë keqardhjes, ajo që çdo person mendon është se ku e ka burimin gjithë ky mllef e kjo dhunë e të rinjve?!
Një video e tillë vjen nga Berati, e publikuar nga Jetaoshqef. Një grup vajzash kanë kapur për flokësh një vajzë tjetër në shkollën “Kristaq Capo” të këtij qyteti dhe nuk e lëshojnë derisa mes tyre hyn një djalë.
Goditja është e pamëshirshme madje nuk ka vetëm shkulje flokësh, por edhe shkelma në stomak.
I çuditshëm është reagimi i viktimës. Ajo nuk tenton të ndërmarrë asnjë veprim kundër këtyre vajzave të tjera, thjesht pret goditjet dhe talljet që vijnë ndaj saj.
Arsyeja e sherrit? “Punë të dashurish. Vajzën e kanë inat të gjithë prandaj nuk është futur njeri ta ndihmojë”, ka thënë personi që ka dërguar videon.
