I sëmuri mendor ngacmon seksualisht 16 vjeçaren, i gris bluzën në rrugë

Një 56 vjeçar dyshohet se ka ngacmuar seksualisht një vajzë 16 vjeçare në zonën e Laprakës, pranë shinave të trenit.

Ndërkohë, policia e Tiranës ka nisur procedim penal dhe ka bërë shpalljen në kërkim të shtetasit me iniciale J.Rr, i cili nuk është I panjohur për të tilla raste.  Ngjarja ka ndodhur dy ditë më pare ku ndërsa adoleshentja kthehej në shtëpi nga shkolla, në një rrugicë të errët, ai e ka ngacmuar seksualisht, teksa e priste pas avllisë së një shtëpie përdhese, duke tentuar t’i griste bluzën që kishte veshur.

16 vjeçarja bashkë me nënën e saj i janë drejtuar Komisariatit nr.3, ku kanë denoncuar shtetasin me iniciale J.Rr., i cili, sipas vajzës, e ka ndjekur disa herë dhe e ka ngacmuar seksualisht. Sipas kallëzimit të të dëmtuarës dhe karakteristikave që ajo ka dhënë për personin që e ka përndjekur dhe ngacmuar seksualisht, i dyshuari nuk është një emër i panjohur për Policisë. Për të janë regjistruar kallëzime të ngjashme edhe më parë në Komisariatin nr.3, të cilat më pas janë tërhequr për shkak se 56­ vjeçari ka rezultuar një person me probleme mendore dhe familjarët e vajzave të dëmtuara kanë hequr dorë nga kallëzimet e tyre.

Kryesisht ngjarje të tilla kanë ndodhur në zonën e Laprakës, por edhe në afërsi të ish­Shkollës së Partisë dhe deri te rrethrrotullimi i sheshit “Shqiponja”. Në të gjitha rastet denoncueset flisnin për të njëjtin person, por në fund janë tërhequr. Ndërsa rasti më i fundit, i ndodhur dy ditë më parë, mësohet se ishte kthyer në një problem serioz për 16­vjeçaren. Vajza ka kallëzuar në Polici se 56­vjeçari e përndiqte dhe i kishte shkaktuar gjendje frike dhe ankthi, sa herë që dilte nga shtëpia dhe sa herë që kthehej nga shkolla. Derisa pasditen e së premtes, ndërsa ajo kthehej në shtëpi, në një rrugicë të errët, ai e ka ngacmuar seksualisht, teksa e priste pas avllisë së një shtëpie përdhese, duke tentuar t’i griste bluzën që kishte veshur. Ai është larguar vetëm pasi vajza ka nisur të bërtasë dhe të kërkojë ndihmën e banorëve të zonës. Sipas denoncueses, kjo situatë përndjekjeje vazhdonte prej afro një muaji dhe ajo nuk e kishte vënë në dijeni familjen, deri në momentin që ai e ngacmoi seksualisht. Burimet thanë se ka nisur procedim penal ndaj 56­vjeçarit dhe materialet janë referuar në Prokurori. Ndërsa po punohet për kapjen dhe arrestimin e tij.