Këngëtarja e njohur Rita Ora ka zgjedhur një mënyrë shumë speciale për të festuar ‘Halloween-in’ mes fansave që kishin shkuar ta ndiqnin në ‘Wembley Stadium’. Nëse keni pritur ta shikoni të veshur në mënyrë të frikshme apo diçka të ngjashme, mbase jeni zhgënjyer, pasi Rita u vesh si kolegu i saj Post Malone. Teksa doli në skenë e veshur dhe e grimuar si reperi i hitit ‘Rockstar’, këngëtarja u shtir si ai dhe fansat nuk e njohën derisa foli.
Një pjesë e mirë e tyre teksa dëgjuan në sfond hitin e reperit, menduan se ai ishte i ftuar special, por pas ‘maskës’ fshihej Rita.
Deri tani Rita mban vendin e parë për mënyrën më origjinale të maskimit këtë ‘Halloween’. Të shohim çdo sjellin më vonë personazhet publikë.
